اكيد حسيت في يوم من الايام بخمول وتعب بعد وجبة إفطار دسمة في رمضان، أو غير قادر على التركيز في اجتماع في الشغل، او غير راضي عن ادائك الجنسي . كل الاعراض السابقة و غيرهم من أعراض بسبب تفاعل جسمك مع نوع الاكل الغلط و بالتالي أدائك و نشاطك اليومي بيتأثر و ممكن في اوقات كتير يؤثر على حالتك المزاجية. والعكس صحيح لحسن حظنا، بمعني ان جسمك هيتفاعل و يتجاوب مع انواع الاكل الصحيحة و هتحس بسعادة و حيوية و نشاط اكتر، وافضل بداية الاكلات الي هنتكلم عنهم دلوقت:
الماء
طبعا الكلام عن فوائد الماء كتير جدا، لكن لو عرفت ان المخ بيشتغل بشكل صحيح اذا كان رطب، وإن كتير من الستات تهتم بكل شىء و تنسي ان بشرتها لازم تفضل رطبة علشان تحافظ علي جمالها و نعومتها.
افضل طريقة لشرب الماء (سخن او بارد) هو اضافة شرائح ليمون مثلا أو أي فاكهة حمضية وبالتالي هتحصل علي قوة الحمضيات و في نفس الوقت الترطيب اللازم لجسمك وعقلك.
المكسرات
اللوز و الجوز و الكاجو و الفول السوداني و كل المكسرت بتقدم لجسمك مجموعة متنوعة من الفيتامينات و المعادن، و الاهم انها بتقدم الدهون الغذائية.
تساعد الجسم على استخدام الطاقة لفترة أطول من الوقت، فاللوز غني بالكالسيوم و الفول السوداني غني بحمض الفوليك و فيتامين E. المكسرات تعتبر مصدر لتعزيز الطاقة المستمرة ( شرط عدم وجود حساسية من أي نوع من انواع المكسرات). للحفاظ على صحتك ونشاطك انصحك تأكل المكسرات بشكل يومي و كمية معتدلة
الشوكولاتة الداكنة (الغامقة)
ايوه مظبوط، صحيح أن الشوكولاته السكر فيها عالي، لكن لو أخترت الشوكولاتة الغامقة (نسبة الكاكاو الخام عالية) بتكون نسبة السكر منخفضة، و هتقدر تحصل على كل القيم الغذائية و المتعة و من غير الشعور بالذنب.
الشوكولاتة الغامقة بتوفرلك الفيتامينات والمعادن والألياف و مضادات الاكسدة و جرعة صغيرة من الكافيين لأن محتوى الكافيين فيها صغير و لكنها تفي بالغرض .
الفواكه الحمضية
الفاكهة بشكل عام معزز للطاقة بشكل كبير لأن الدماغ و الجسم بيحبوا السكر الطبيعي. لكن الحمضيات بالتحديد عندها القدره على تحفيز انظمتك الحسية في الدماغ . رائحة البرتقال أو الجريب فروت بتنشط حواسك و تزيد من تركيزك.
اذا كان عندك يوم شغل طويل و مجهد، أنصحك تبدأ يومك مع عصير برتقال او جريب فروت او اليوسفي.
اجمع بين كل أنواع الأطعمة الصحية و مارس رياضة يوميا (مشي, اليوغا, السباحة) او اي نوع رياضة بتفضل ممارسته وهتحصل على التركيبة المثالية لجسمك وعقلك، و هتحس باستمرار انك اكثر نشاط و اكثر تركيز من اي وقت سبق.