وجه إسلام قرطام، مؤسس فريق KO Squad، ورئيس الشركة الراعية للاعب، التهنئة للبطل أحمد عبد الجليل عقب الإنجاز الذى حققه بالفوز بالمركز الثالث فى بطولة هيوستن pro فى فئة الفيزيك، ونشر قرطام عبر صفحته الشخصية على موقع التواصل الإجتماعى الفيس بوك، تهنئة للاعب قال فيها : " الحمد الله، فخور بيك يا ابني ..
وتابع قرطام :"تقريبآ اول لاعب انضم لـ KO Squad من 4 سنين كنت لسه بتلعب بطولات محلية، وواحدة واحدة كسبنا كارت الاحتراف و لعبنا بطولات محترفين و لعبت اولمبيا 2019 ، و اتعلمنا من أخطائنا، وقررنا اننا نشارك في أقوى بطولات المحترفين. مش عشان نتأهل لألومبياً بس عشان نستفيد من اخطائنا ونتعلم ونعرف نظهر كل مره بشكل احسن".
وواصل :"النهاردة بتنافس في بطولة هيوستن برو من أهم بطولات المحترفين و جمبك 39 محترف منهم كتير عندهم خبرة و شاركوا كذه مره في أولمبيا قبل كده .. بالرغم انك اصغر حجمًا عشان انا عارف السفر و انك فقدت 3 كيلو و لكن كنت مميز جدا ناشف متناسق و عندك ثقه في النفس ..عشان كده خدت مركز ثالث و تفوقت علي ابطال كتير جدا".
واختتم قائلاً:"السنه دي اهم سنة بالنسبالك بداية الاحتراف بجد وإن شاء الله نحتفل مع بعض بتحقيقك مركز متقدم في أولمبيا السنه دي وبمرور رحلتك مع KO Squad اللي بقالها 4 سنين بحلوها ومرها . بإنجازاتها وإخفاقاتها مازلت بقول دي مجرد بداية.... ".
ونجح أحمد عبد الجليل بطل مصر وبطل فريق ko squad في رفع اسم مصر عاليا، بالحصول على المركز الثالث في بطولة هيوستن للأبطال 2021 في فئة الفيزيك التى أقيمت فى ولاية تكساس بالولايات المتحدة الأمريكية خلال الفترة من 3 إلى 4 ابريل الجارى.
وتعد بطولة "هيوستن برو" التي اقيمت في فندق الماريوت، من أقوى البطولات المؤهلة لمستر أولمبيا 2021 في عالم كمال الأجسام، وشهدت فئة الفيزيك منافسات قوية حيث شارك في البطولة 39 محترفًا من كافة أنحاء العالم.