تمرين الديت ليفت deadlift والمعروفة باسم الوحش الكاسر أو الرفعة المميتة، أحد أبرز تمارين كمال الأجسام التي تهدف إلى تقوية الجسم، ويقوم بتشغيل أكبر مجموعة عضلية أكتر من أي تمرين آخر, أبرزها (عضلة الضهر والقطنية بشكل خاص - عضلات الرجل الخلفية والأمامية - عضلات البطن - عضلة المؤخرة - عضلات الذراع والساعد - عضلة الكتف والترابيس).
كيفية ممارسة تمرين الديد ليفت بأداء سليم وتجنب الإصابة:
1- ضع البار على الأرض مع الوزن المناسب ثم الفتحة تكون متوسطة مع انفراج قليل في القدمين للخارج ثم تكون بوضع القرفصاء والبار قريب أو ملاصق لجسمك
2- ابدأ تنى ركبتك الأول قبل ما تثني ضهرك .. إوعى تتني ضهرك الأول قبل ركبتك وركز إنك تحط الحمل كله على عضلة الرجل الخلفية والمؤخرة والفخدين مش على الضهر
3- إمسك البار بمستوى عرض كتافك مش أوسع ولا أضيق علشان تحافظ على توازنك وتقدر تشيل أقصى وزن
4- حافظ على مستوى صدرك مرفوع لفوق لإنك لو ماعملتش كده هتلاقي نفسك غصب عنك بتقوس ضهرك وبتحمل على العمود الفقري (وهنا مبروك عليك الإصابة)
5- إوعى إوعى إوعى ترجع بضهرك لورا وتعصره أبدا ، بعد ماتطلع بالبار حافظ على الإستقامة الطبيعية لضهرك كإنك واقف لكن ما ترجعش لورا سنتي زيادة .. إوعى
6- ما تلعبش الديدليفت وإنت لابس كوتشي عالي ، يفضل إنك تلبس حذاء نعله رفيع أو شراب علشان كل ما رجلك كانت ثابته على الأرض كل ما الأداء كان أمان أكتر
7- ما تشيلش أوزان أكبر من طاقتك وقوتك بغرض الإستعراض ولا علشان تبان بطل ، الديدليفت مابيهزرش ومانصحكش تجرب علشان هزاره غشيم
أنواع الديد ليفت في أنواع كثيرة جدا للديد ليفت وهذا أشهرهم
النوع الأول
Stiff-Legged Deadlifts
النوع التاني
Sumo Deadlifts
النوع التالت
Romanian Deadlift
النوع الرابع
Deficit Deadlift
هذه معظم الحاجات الأساسية اللي لازم تكون عارفها عن تمرين الديدليفت لكن مش كلها طبعا .. لو حابب بقى تتعمق وتفهم الديدليفت وتستمتع بيه أكتر لازم تقرا